Ikamyo yari itwaye abimukira kuri uyu wa Mbere yasanzwemo imirambo 46 muri San Antonio, muri Leta ya Texas, mu majyepfo ya Leta Zunze Ubumwe za Amerika, nyuma y’umunsi w’ubushyuhe bukabije, abantu batatu bakaba batawe muri yombi.

Iyi nsanganya, imwe mu mbi cyane mu bijyanye n’ubwimukira mu myaka yashize, ije nyuma y’imyaka itanu habaye indi nk’iyi yabereye muri uyu mujyi n’ubundi, aho abimukira icumi basize ubuzima mu ikamyo ya rumoroki yari irimo ubushyuhe bukabije.

Umuyobozi ushinzwe kuzimya umuriro muri uyu mujyi, Charles Hood yagize ati: “Kugeza ubu tumaze kwita ku mirambo igera kuri 46.”

Yavuze ko abantu 16, abantu cumi na babiri bakuze n’abana bane, bavuwe kandi ” bari bafite ubwenge” igihe bajyanwaga mu bitaro biri hafi aho nk’uko iyi nkuru dukesha AFP ivuga.

Umuyobozi w’akarere ka San Antonio, Ron Nirenberg ati: “Iri joro twahuye n’amakuba ateye ubwoba ku bantu.” “Turizera ko abashinzwe gushyira abo bantu mu bihe nk’ibi bya kinyamanswa bazakurikiranwa mu buryo bw’amategeko.”

Amakamyo nk’ayabonetse muri San Antonio, umujyi munini wa Texas nko ku birometero 240 uvuye ku mupaka na Mexico, ni uburyo bwo gutwara abantu bukoreshwa cyane n’abimukira bifuza kwinjira muri Amerika.

Kuwa Gatanu ushize, muri Afurika naho abimukira bagiza batya bashaka kwinjira muri Espagne ku ngufu banyuze muri Maroc, abagera kuri 23 bibaviramo urupfu mu gihe abapolisi 140 bageragezaga kubatangira bakomeretse.

izindi nkuru wasoma;

Umukarani yakubise mugenzi we ahita apfa

Harmonize yatereya ivi umukunzi we Kajala nyuma yigihe gito basubiranye

 

Leave a Reply

Your email address will not be published. Required fields are marked *