Abanyarwanda banyuzwe n’abanyarwenya bakomeye muri Afurika

Mu Rwanda habereye igitaramo cy’urwenya cyabaga ku nshuro ya gatatu cya “Kigali International Comedy Festival” cyahuriyemo abanyarwenya b’inkorokoro mu gusetsa baturutse mu bihugu bitandukanye muri Afurika.

Ni iserukiramuco ryateguwe na Comedy Knights ifatanyije n’Uruganda rwa SKOL Brewery Limited Rwanda ryahawe inyito ya “Caravane du rire” ryabereye mu Rwanda, rizakomereza n’i Burundi no muri Repubulika Iharanira Demokarasi ya Congo.

Abanyarwenya batandukanye barimo abo mu Rwanda, mu ihema rya KCEV [Camp Kigali], banyuze benshi mu gitaramo k’iri serukiramuco cyo mu Kinyarwanda n’Icyongereza, cyagaragayemo abanyarwenya nka Clapton Kibonke, Joshua na Lindy Johnson na TSI TSI Chiumya bo muri Afurika y’Epfo.

Abitabiriye iki gitaramo cyabaye ku wa 8 Ugushyingo 2019, basekejwe n’inzenya zagitangiwemo ziri mu ngeri zitandukanye kuva ku buzima bw’abahanzi, abakinnyi ba firime n’abandi.

Lindy wo muri Afurika y’Epfo yateye urwenya agaragaza ukuntu hari umuntu umwe wabajijwe ikintu cyamukomereye mu buzima undi mu gusubiza akavuga ko ari ‘ukubyina nabyo bitewe n’uburyo yabivugagamo n’uko yigiraga’ byasekeje benshi.

Fred na Kefa bo basekeje abantu bakoresheje inzenya zirimo urw’ukuntu Imana hari abantu yaremye yabitondeye abandi ntibibe uko.

Bati “Hari abantu Imana yaremye irabitondera ibatindaho, urugero Imana ijya kurema The Ben […] na Meddy imutindaho, ariko Imana igeze kuri Knowless nawe imutindaho ariko igeze kuri Ndimbati na Igisupusupu iti pu gahambe!”

Banateye urwenya rw’ikigo kitwa Turi mu Gihombo Integrated College (TI) bavugaga ko bizemo bakaririmba indirimbo zitandukanye zitandukanye n’iz’abana biga mu bigo byo mu mujyi bitewe n’ukuntu bavuzemo urwenya rwabo nabyo byasekeje benshi.

Michael na Babu babanje kuvuga urwenya rw’ukuntu abahanzi bitewe n’igihugu bakomokamo baririmbamo mu buryo bwashimishije benshi.

Abantu basetse batembagaye

Babu uri mu bateguye iri serukiramuco yasekeje abaryitabiriye

Ibi bitaramo byanyuze imitima ya benshi

Iki gitaramo kitabiriwe n’ingeri zose

Lindy ukomoka muri Afurika y’Epfo ni we mukobwa wenyine w’umunyarwenya wari mu basusurukije abitabiriye iri serukiramuco

Michael Sengazi uri mu bagize Comedy Knights yateguye iri serukiramuco

Tsitsi Junior ukomoka muri Afurika y’Epfo nawe yasekeje abantu mu buryo budasanzwe

Soma inkuru yose hano

Yanditswe na : GISUBIZO GENTIL MOISE

Comments are closed, but trackbacks and pingbacks are open.

error: Alert: Content is protected !!