Inkuru dukesha IGIHE nuko  mu kwezi gutaha hazasohoka filime z`ikunzwe cyane zategerezanyijwe amatsiko umwaka wose, ni filime zikinwamo ibyamamare bigiye bitandukanye bitandukanye harimo Ana de Armas, umuririmbyi Harry Styles ndetse na Florence Pugh wamenyekanye cyane muri filimi ya Black Widow na Little women.

Ni filime z’ubwoko butandukanye ariko zose ntukwiriye gucikwa nazo niba uri umwe mu bakunzi ba filimi kuko ahanini zitanga ubutumwa bwahindura ubuzima bwawe.

See how they run

Iyi filime ikinwa mu mwaka wa 1950. Sam Rockwell na Saoirse Ronan bakina umwe ari Umuyobozi wa polisi n’umwungirije bashinzwe gukora iperereza ku bwicanyi bwakorewe umukinnyi mu nzu y’imikino (Theatre) yaberaga i Londres.

Iyi filime igaragaza uburyo bapolisi babiri bakora iperereza n’ibyo bagenda babona batari biteguye, ni filime iteye amatsiko cyane kandi ninziza cyane. Izasohoka ku italiki 9 Nzeri 2022.

 

Blonde

Blonde ni filime ivuga ku buzima bwa Marilyn Monroe bushingiye ku gitabo cyanditswe na Joyce Carol Oates.

Iyi filime yerekana ubuzima umukinnyi wa fiime Marilyn Monroe wari icyamamare muri Leta Zunze Ubumwe z’Amerika yari abayemo ndetse n’ibibazo byose yagiye ahura nabyo n’uko yagiye abyitwaramo kugeza ku gihe yapfiriye ari mu cyumba cye.

Izashyirwa kuri Netflix ku itariki 28 Nzeri 2022.

Don’t worry darling

Iyi filime irategerejwe cyane kuko ikinamo ibyamamare bikunzwe cyane kwisi hose birimo umuhanzi Harry Styles n’umukinnyi wa filime w’icyamamare Florence Pugh wamamaye cyane muri Black Widow na Little women.

Iyi filime ikinwa mu mwaka wa 1950, yerekana ubuzima bw’umugabo Jack ukinwa na Harry n’umugore we Alice ukinwa na Florence, igaragaza uburyo aba babiri babayeho ubuzima bugaragara nkaho ari bwiza kugeza igihe byose bihindukiye ingoma zigahindura imirishyo.

Izasohoka kuri 23 Nzeri 2022.

Catherine called Birdy

Iyi filime ikinwa mu kinyejana cya 13 ikagaragaza ubuzima bw’umukobwa ukiri muto wifuza kugira ubuzima bw’umudendezo nk’ubwa basaza be ariko bikagorana kubera ko ababyeyi be bageraho bagakena bagashaka kumushyingira umukire ukuze cyane kandi uyu we akiri muto.

Biza kugorana cyane kubera ko uyu mukobwa yiyemeje gutandukana n’ibyo ababyeyi be bamwifuriza kuko we atari abyishimiye habe nagato.

Izasohoka taliki 23 Nzeri 2022.

 

Moonage Daydream

Ni filime ivuga ku buzima bw’icyamamare David Bowie, wari umuririmbyi n’umwanditsi w’indirimbo. Iyi filime ivuga ku buryo yari abayeho ku buzima bwe bwite cyane n’uburyo yagiye yubaka izina rye.

Izasohoka kuri 16 Nzeri 2022.

The silent twins

Ni filime ivuga ku byabayeho mu buzima busanzwe, ivuga ku buzima bw’abakobwa b’impanga June na Jennifer Gibbons bakuriye mu mujyi muto wa Welsh mu myaka ya 1970.

Bari abana b’abirabura bonyine muri ako karere, ibyo byatumye bahohoterwa cyane ku ishuri, amaherezo baza guhunga abantu ntibongera kubavugisha bakajya bavugana bonyine gusa.

Izasohoka kuri 16 Nzeri 2022.

Both sides of the blade

Juliette Binoche na Vincent Lindon bakina muri iyi filime nka Sara na Jean, umugabo n’umugore bamaranye imyaka irenga icumi bisa nkaho babanye neza mu mudendezo ari nta makemwa kugeza ubwo Sara yongera guhura n’umukunzi we wa kera ndetse agashaka no kumuha akazi bakajya bakorana.

Ibi byateje ikibazo hagati y’umugabo n’umugore kuko byasaga nkaho umwe atizera undi. Izasohoka ku italiki 9 Nzeri.

TURABASABA KUDUHA IBITEKEREZO BYANYU CYANGWA INYUNGANIZI  MUNASURA IZINDI NKURU ZACU TUBAGEZAHO KURI AGEZWEHO.COM

Meddy yakiriwe bidasanzwe ubwo yageraga i Kigali gushyingura umubyeyi we (Amafoto).

 

Abakora mu bigo by’imari iciriritse bahawe umukoro wo kugabanya ibihombo bikabije mubigo bakoramo

 

Leave a Reply

Your email address will not be published. Required fields are marked *