Iyzo Pro yasinyishije umuvandimwe we winjiye mu muziki amasezerano y’imyaka itanu

Tumaini Leonard Umuvandimwe wa Producer Iyzo yinjiye mu muziki bahita bahasinyana amasezerano y’imikoranire mu gihe kingana n’imyaka itanu.

Iyzo Pro ni umwe mu batunganya umuziki bafite ubuhanga budashikikanywaho, bitewe n’indirimbo zakunzwe yagiye akora zirimo Mpfumbata ya “Urban Boys”, “Yambi” ya Amalon, “Komeza Unyirebere” ya Charly na Nina n’izindi nyinshi.

Kuri ubu akorera muri studio ya Country Records ya Nduwimana Jean Paul wamamaye nka Noopja mu muziki.

Iyzo aganira n’Imvaho Nshya yavuze ko mukuru we witwa Tumaini Leonard nawe yamaze kwinjira mu muziki aho yahereye ku ndirimbo yo kuramya no guhimbaza Imana yise “Ni ku bw’ubuntu.”

Iyzo yavuze ko nubwo Tumaini ari umuvandimwe basinye amasezerano y’imyaka itanu aho azajya amutunganyiriza indirimbo akanamufasha no mu bindi byose umuhanzi yakenera.

Tumaini wahereye ku ndirimbo yo guhimbaza Imana ngo nta bwo ari zo azajya yibandaho gusa, ahubwo azakora ku nsanganyamatsiko zitandukanye.

Soma inkuru yose hano

Yanditswe na : Gisubizo Gentil M.

Comments are closed, but trackbacks and pingbacks are open.

error: Alert: Content is protected !!