Minisitiri Mimosa yasabwe gukurikirana umushinga wo kwagura Sitade Amahoro

Minisitiri wa Siporo Munyangaju Aurore Mimosa yabitangarijwe mu muhango w’ ihererekanyabubasha wabaye kuri uyu wa 15 Ugushyingo 2019.

Nyirasafari wagize Senateri, akanagirirwa icyizere na bagenzi be bakamugira Visi Perezida wa Sena yagize ati “Ikindi nasaba hari gahunda yo gutunganya aha hantu turi, Arena iyi zone y’ amahoro hagakorwa ku buryo haba nka site sportive. Aha rero hari haratangiye gutegurwa igishushanyo mbonera ku buryo haba ahantu nyine ha siporo ku buryo ushobora kuza ukahasanga imikino inyuranye. Iki gishushanyo kigomba gushyirwamo imbaraga birihutirwa”.

Senateri Nyirasafari avuga ko igice Sitade amahoro yubatsemo kigomba kuzashyirwamo imikino yo koga, basketball, tennis ku buryo abantu bazajya bahasohokera bakahanezererezwa.

Minisitiri wa Siporo Munyangaju Aurore Mimosa usanzwe ari umukunzi w’ umukino wa Basketball yashimiye Perezida Kagame wamugiriye icyizere akamushinga Minisiteri ya Siporo, anashimira Hon Esperance Nyirasafari ku nama yamuhaye. Ati “Ndumva zizagenda zidufasha muri uru rugendo”.

Minisiti Mimosa yavuze azashimangira imikoranire ya Minisiteri ya Sioporo na za Federasiyo, n’ imikoranire hagati ya Minisiteri ayoboye na Minisiteri y’ Urubyiruko n’ Umuco.

Yakomeje agira ati “Nkaba nsaba abakozi ba Minisiteri ya Siporo kubakira ku ihame ry’ ubufatanye, ndumva nabibizeza. Nk’ abantu bashinzwe siporo gukorera ku gihe ni ikintu tugomba gushyira muri gahunda no gukomeza gukurikiza. No guhanga ibishya. Ibi byose bikazadufasha kugera ku musaruro twizezweho nka Minisiteri ya Siporo”.

Munyangaju Aurore Mimosa yari asanzwe ari Umuyobozi Mukuru wa sosiyete ubwishingizi wa Sonarwa Life insurance.

Minisiteri ya Siporo ni nshya. Hahozeho Minisiteri y’ Umuco na Siporo, inshingano y’ umuco yajyanywe muri Minisiteri y’ Urubyiruko ihinduka Minisiteri y’ urubyiruko n’ umuco.

Soma inkuru yose hano

Yanditswe na : Nsanzimana Ernest

Comments are closed, but trackbacks and pingbacks are open.

error: Alert: Content is protected !!