Mukabarafinda yahishuye ko ‘Sekuruza wa Barafinda ariwe wavuze ko azaba umuntu ukomeye’

Muri 2016 nibwo Barafinda Sekikubo Fred yamenyekanye muri politiki y’ u Rwanda ubwo yavugaga ko ashaka kwiyamamariza kuba Perezida w’ u Rwanda.

Uyu mugore ufitanye 10 na Barafinda avuga ko Barafinda ari umuhanga ndetse ko ikintu yiyemeje akigeraho.

Marie Louise wiyita First Lady, bivuze umugore wa Perezida avuga ko namara kuba First Lady koko azaca ikibazo cya za gatanya no kugumirwa.

Ikindi uyu mugore yahishuye mu kiganiro yagiranye na UKWEZI online TV ni uko ngo Barafinda yarezwe n’ umwamikazi w’ Ubwongereza, Elizabeth.

Avuga ko aramutse abaye umugore wa Perezida nk’ uko babyifuza bazubakira abasore bose bakajya bashaka abagore kuko ngo kudashaka ahanini biterwa n’ ubukene.

Uyu mugore uvuga ko yabaye mu bihugu bitandukanye bya Afurika avuga ko nta gihugu yabonye basoresha, igitunguru, umunyu, akavuga ko umuntu ukwiye gusora ari ufite igishoro kinini.

Ati “Ugafata umuntu w’ agataro ukamukubita pandagare kandi uri umuntu wakabaye umutabara ukamukubira nk’ ibihumbi 200 y’ igishoro ngo genda uve kuri aka gataro”.

Gusa nubwo avuga ibi, mu mujyi wa Kigali Leta y’ u Rwanda yigeze gushishikariza abacuruza agataro kujya mu makoperative bagacururiza ahabugenewe, bagahabwa igishoro bakanasonerwa imisoro mu gihe runaka.

Soma inkuru yose hano

Yanditswe na : Nsanzimana Ernest

Comments are closed, but trackbacks and pingbacks are open.

error: Alert: Content is protected !!