Nyuma yo gutana na Wiz Khalifa Amber Rose yibarutse umwana wa kabiri  

Amber Levonchuck, umunyamideri wabigize umwuga wamamaye nka Amber Rose, ari mu bavugwa cyane muri Leta Zunze Ubumwe z’Amerika ahanini kubera imiterere ye n’ibikorwa bye bimuhoza mu itangazamakuru, yabyaranye na Alexander Edwards bamaze igihe bakundana.

Amber Rose w’imyaka 35 yibarutse umwana w’umuhungu yabyaranye na Alexander Edwards bamaze igihe mu buryohe bw’urukundo, nyuma y’uko atandukanye n’umuraperi Wiz Khalifa babyaranye imfura.

Alexander Edwards w’imyaka 32 ni we wavuze iby’iyi nkuru nziza y’uko yibyaye umuhungu, aho yahise asangiza ubutumwa kuri Instagram abamukurikira, agira ati: “Slash Electric Alexander Edwards… Isi ni iyacu ubu warakoze Amber Rose kunkunda cyane ukabishyiramo umubiri wawe kugira ngo utange izuba ryange ku Isi.”

Amber Rose mu kanyamuneza na Alexander Edwards babyaranye umwana w’umuhungu

Mu kwezi kwa Kane ni bwo uyu mwaka yari yatangaje ko bitegura kwibaruka umuhungu, Amber Rose yamenyekanye n’uyu musore nyuma yo gucana umubano n’abaraperi batandukanye b’ibyamamare muri Amerika barimo Kanye West bakundanye rugikubita ndetse na Wiz Khalifa banabyaranye nyuma bikarangira batanye.

Amber Rose yavuzwe mu nkuru z’umubano udasanzwe n’umusore w’umuraperi yarushaga imyaka icumi witwa 21 Savage umubano waba bombi ntiwamaze kabiri baratana.

Nyuma Amber Rose yaje gukundana na Wiz Khalifa ndetse banasezerana byemewe n’amategeko, gusa baje gutandukana hashize umwaka umwe gusa, bakaba barabyaranye umwana w’Imfura yabo bamwita Sebastian Taylor Thomaz ubu umaze kuzuza imyaka itandatu y’amavuko.

Alexander Edwards wabyaranye na Amber Rose mu byishimo bikomeye

Soma inkuru yose hano

Yanditswe na : Gisubizo Gentil

Comments are closed, but trackbacks and pingbacks are open.

error: Alert: Content is protected !!