Kuri uyu wa Gatatu dosiye ya Ishimwe Dieudonné uyobora ikigo gitegura irushanwa rya Miss Rwanda yoherejwe mu Bushinjacyaha, aregwa ibyaha bifitanye isano no gusambanya bamwe mu bitabiriye irushanwa rya Miss Rwanda mu bihe bitandukanye.

Amakuru UMUSEKE wamenye, uyakuye mu Rwgo rw’Ubugenzacyaha ni uko iyi dosiye yagejejwe mu Bushinjacyaha kuri uyu wa 04/05/2022.

ISHIMWE DIEUDONNE bita Prince Kid ni umuyobozi wa Rwanda Inspiration Back up itegura irushanwa ry’ubwiza rya Miss Rwanda.

Akurikiranyweho ibyaha 3, Gukoresha imibonano mpuzabitsina ku gahato (Rape),  Gusaba cyangwa gukora ishimishamubiri rishingiye ku gitsina no Guhoza undi ku nkeke bifitanye isano n’imibonano mpuzabitsina.

Ibi byaha aregwa bihanishwa igifungo kiri hagati y’umwaka umwe n’imyaka 15 no gutanga ihazabu ya miliyoni 1 kugera kuri miliyoni 2Frw.

Umuvugizi w’Urwego rw’Igihugu rw’Ubugenzacyaha, Dr Murangira B. Thiery yabwiye UMUSEKE ko biriya byaha Ishimwe akekwaho yabikoze mu bihe bitandukanye, abikorera bamwe mu bagiye bitabira amarushanwa ya Nyampinga (Miss Rwanda) yabaye mu bihe bitandukamye.

Yagize ati “RIB irasaba abantu kugendera kure ibi byaha, ko nta we uzihanganirwa igihe cyose azaba yagaragaweho ibi byaha.”

Dr Murangira avuga ko RIB isaba abantu bashobora kuba barakorewe ihohoterwa nk’iryo rishingiye ku gitsina bakaba barabicecetse kubera gutinya, kwegera RIB bagatanga ikirego.

Ati “Ntabwo ibi byaha byashira ababikora badahanwe. RIB irihanangiriza abakoresha Imbuga nkoranyambaga (Social Media users) baha inkwenene, umuntu wese uba watanze ikirego cy’ihohoterwa yaba yarakorewe, nkaho atashimiwe igikorwa cyiza nk’icyo cyo kudahishira icyaha cy’ubugome.”

Tariki 26 Mata, 2022 nibwo amakuru y’itabwa muri yombi kwa ISHIMWE Dieudonne yamenyekanye, gusa yari yafashwe mbere yaho.

soma izindi nkuru;

Amajwi yasohotse bivugwa ko Prince Kid yasabye ’ibyishimo’ Miss Muheto

Ndimbati arasomerwa ku bujurire bwe, arafungwa cyangwa ararekurwa?

 

Leave a Reply

Your email address will not be published. Required fields are marked *