Umuhanzi Justin Bieber wo muri Leta zunze ubumwe za Amerika, yafashwe na virus yatumwe uruhande rw’iburyo rw’isura ye rumugara ndetse abaganga bahamya ko bizafata igihe kugirango akire neza.

Ku wa gatanu, uyu muhanzi yashyize ahagaragara amashusho asobanurira abafana impamvu yasubitse ibitaramo byinshi yagombaga gukoramu mu cyumweru gishize.

Bieber asobanura ko bamusanganye indwara ya Ramsay Hunt. Bieber avuga ko byagize ingaruka ku mitsi yo mu gutwi, bimutera ubumuga.

Nkuko bigaragara kuri videwo, Justin ntashobora guhumbya ijisho rimwe, kandi ashobora kumwenyura uruhande rumwe rw’akanwa.

Bieber yasabye imbabazi abafana kuba batazabasha kumubona mu bitaramo byose yagombaga kugaragaramo, uyu muhanzi avuga ko arwaye ‘bikomeye’ kandi ko azakenera gufata igihe kitari gito kugira ngo agire ubuzima bwiza.

Avuga ko akora imyitozo yo mu maso, kandi ko hamwe nakazi, ibintu byose bizasubira nkibisanzwe – ntiyasobanuye neza igihe bizatwara.

izindi nkuru wasoma;

Abanyarwanda barasabwa kwitegura CHOGM nk’abitegura ubukwe – Minisitiri Gatabazi Icyo yabivuzeho

Muri Nigeria Abakirisitu benshi biciwe mu misa ya Pentekositi, abandi barashimutwa

 

 

Leave a Reply

Your email address will not be published. Required fields are marked *