Volleyball: REG VC yatsinze APR ku munsi wa mbere wa shampiyona

Kuri uyu wa gatandatu tariki ya 9 Ukwakira Shampiyona ya Volleyball yatangiye REG VC itsinda APR VC Seti 3-0, IPRC Ngoma itsindwa na UTB VC Seti 3-2, naho Gisagara itsinda Kirehe seti 3-0.

REG VC bishimira gutsinda APR VC mu mukino wa mbere wa Shampiyona 2019-2020

REG VC biyoreheye yaje gutsinda APR VC amaseti 3-0 (26-24, 25-20 ,25-21).  Undi mukino wagoranye ni UTB VC yatsinze IPRC Ngoma 3-2 (19-25,17-25,25-21,25-22,9-15).

Kirehe VC yo yatsinzwe na Gisigara VC seti 3-0 (17-25, 32-34, 20-25).

REG VC iheruka kwegukana umwanya wa kabiri mu irushanwa ribanziriza shampiyona nyuma yo gutsindirwa ku mukino wa nyuma na UTB VC amaseti 3-2 (26-24, 29-31, 25-20, 20-25 na 15-09).

REG VC yegukanye igikombe cya shampiyona cy’umwaka w’imikino ushize wa shampiyona (2018-2019), ikurikirwa na Gisagara VC, UTB VC ku mwanya wa gatatu aho ku mwanya wa kane haza IPRC Ngoma VC.

REG VC izakina umukino wa kabiri wa shampiyona na UTB VC ku wa Gatandatu tariki ya 16 Ugushyingo kuri Stade ntoya ya Remera.

Ibumoso bw’ifoto ni Perezida wa REG VC, Zawadi Geofrey n’ushinzwe abakinnyi witwa Robert

Amafoto @ Shema Innocent

Jean Paul MUGABE
UMUSEKE.RW

Soma inkuru yose hano

Yanditswe na : Ange Eric Hatangimana

Comments are closed, but trackbacks and pingbacks are open.

error: Alert: Content is protected !!